النص الثاني من القصيدة الخالدة من الشاعر الأمير : محمد الأحمد السديري رحمة الله
ولا رددوا صم الرمك للتوالي
كلن يبي من زايد الفعل نوماس
من بينهم سر القنا والسلالي
مثل البروق برايحن ليلة ادماس
يقطعك دنيا مالها اول وتالي
لو اضحكت للغبن تقرع بالأجراس
المستريح الي من العقل خالي
ما هو بلجات الهواجيس غطاس
ماهو بمثلي مشكلاته جلالي
ازريت اسجلهن بحبرن بقرطاس
حملي ثقيل وشايله بحتمالي
واصبر على مر الليالي والأتعاس
وارسي كما ترسي رواسي الجبالي
ولا يشتكي ضلع عليه القدم داس
يابجاد شب النار وادن الدلالي
واحمس لنا يا بجاد ما يقعد الراس
ودقه بنجرن يا ظريف العيالي
يجذب لنا ربعن على اكوار جلاس
وزله ليا منة رقد كل سالي
وخله يفوح وقنن الهيل بقياس
وصبه ومده يا كريم السبالي
يبعد همومي يوم اشفه بالأنفاس
فنجال يغدي ما تصور اببالي
روابع ناخذ بها اخماس واسداس
لا خاب ظني بالرفيق الموالي
مالي مشاريهن على نايد الساس
يا عل قصرن ما يجي له ظلالي
ينهار من عالي مبانيه لساس
لا صار ماهو مدهل للرجالي
وملجا لمنهو يشكي الضيم والباس
بحسناك يا منشي حقوق الخيالي
يا خالق اجناس ويا منفي اجناس
تجعل مقره دارس العهد بالي
صحصاح دودارس مابه اوناس
البوم في تالي هدامه ايلالي
جزاك يا قصر الخنا وكر الأنداس
متى تربع دارنا والمفالي
وتخضر افياض عقب ما هي ابيباس
نشوف فيها الديد حان متوالي
مثل الرعاف بخصر مدقوق الألعاس
وينثرعلى البيدا سوات الزوالي
يشرق حمارة شرقة الصبغ بالكاس
وتكبر دفوف معبسات الشمالي
ويبني عليهن الشحم مثل الأطعاس
وسلامتكم وسلام عليكم ورحمة الله وبركاته
النص الثاني من القصيدة الخالدة
العرض العادي
