تكفى دمار اهل الكرم و المروات

ياقايـلٍ تكفـى00 بتكفـى شقينـا
ياما لجل تكفـى لقينـا المضـرات
ياما لجـل تكفـى نزلنـا ورقينـا
وياما تجشمنا الدروب الصعيبـات
كـم ليلـةٍ لعيـون تكفـى سرينـا
لعيونها نسري على غير مشهـات
ياما حملنـا ارواحنـا فـي يدينـا
والعمـر ماياقـاه كثـر المـدارات
كم غاليٍ من شان تكفـى عطينـا
نعطي ولانحسب حساب الخسارات
تكفى تـرى تكفـى دمـارٍ علينـا
تكفى دمار اهل الكـرم والمـروات
وان قلت تكفى قلت ابشـر وجينـا
نجيك لو دونـك بحـورٍ غزيـرات
نسـوق لجلـك كـل شـيٍ ثمينـا
نجيبهـا بالمـال والا الوجاهـات
على البلا نصبر إلـى مـن بلينـا
نصبر على شيل الحمول الثقيـلات
لاتستغـل الحلـم والطيـب فينـا
الحلم له حـزه وللطيـب حـزات
كم جاهـلاٍ لعيـون تكفـى نصينـا
وكبرت بعين الجاهليـن التفاهـات
الجهـل أعيَـى كـل طـبٍ مكينـا
من عصرادم لين عصر الحضارات
اخشـى عليكـم ساعـةٍ تعترينـا
نسرج بها خيل الجهـل للجهـالات
دام الدواء جهـلٍ علـى الجاهلينـا
نجهل جهل اعوام في ظرف ساعات
ياللي تقول الحـزن خيـم علينـا
الحزن بعض احيان للنفس ملهـات



احمد بن عبدالرحمن العريفي

بارك الله فيك على نقل القصيده
وصح لسان ولسان الشاعر احمد العريفي

شكرا لك وتقبل مروري

[راعي العليا]

احسنت الاختيار شىء جميل صح لسانك و لسان الشاعر احمد العريفى تحياتى و تقبل مرورى

صح لسانك و لسان الشاعر احمد العريفى شكرا لك على النقل و تقبل مرورى

مشكور على نقل هذه القصيده و صح لسانك و لسان الشاعر احمد العريفى و تقبل مرورى

[abdu]

صح لسانك و لسان الشاعر احمد العريفى و تقبل مرورى