سود الليـــالي
الله على وقت مضى فات ياحسين
وعزى لمن بيض العذارى كونه
ياحسين وين اللي بشوفه يسلين
اللي جعلته للضماير مضنه
عليه من بعد النيا تذرف العين
والقلب ونات الحشا يوجعنه
سود الليالي تلحق البين بالبين
ومابيضنه بالموده محنه
العام عام الود عام المحبين
لو فيه نيران على القلب جنه
واليوم اهل مضنون عيني بعيدين
وسود الليالي عن دياري حدنه
الله لحد ما فيه حي يعزين
وعلى زمان فات جريت ونه
والحقتها تسعين ونه وتسعين
من عقب ماهي بالحشا مستكنه
ونات من هو طاح بالمثارين
خيل تعدنه وخيل وطنه
فرسان ربعه عن مطيحه مقفين
وفرسان ضده شاهرين اللأسنه
من فوق قب كنهن الشياهين
في حومة الميدان تشاوحنه
بغا المنير وجوهر الخيل عجلين
والخيل اعاقن نيته وأعجلنه
وطبو عليه وسدو الدين بالدين
والخيل فوقه كظمن بالاعنه
اما هذه الأبيات فقد قالها رحمه الله قبل وفاته بأيام مخاطبا فيها الأمير سلطان بن عبد العزيز
من روائع الأمير محمد السديري رحمه الله
العرض العادي
