حـي المنـازل تحيـة عـيـن
لمصـافـح الـنـوم سهـرانـة
والا تحـيـة غـريـق الـديـن
معـسـر و وافــاه ديـانــه
منـزل فريـد البهـا والـزيـن
عطبـول مكحـولـة اعيـانـه
ودي بنسيانهـا ومــن ايــن
سلـطـان قلـبـي وشيطـانـه
اتبع هواها من ايـن الـى ايـن
واحظـى بشوفـه ورضـوانـه
وابغضـت الادنيـن والاقصيـن
واحببـت قومـه علـى شـانـه
ما شفت برق سـرى مـا بيـن
ذيــك الحـواجـب بليـوانـه
ومـجـدلات عـلـى المتنـيـن
سافـات خانـة علـى خـانـة
والبطـن والخصـر والنهـديـن
والعنـق والعـيـن واوجـانـه
والـى دعـاك الولـع ياشـيـن
دعــوى الـمـدوة لظميـانـه
وين اشتكـي مـا دهانـي ويـن
مـشـكــاي لله سـبـحـانـه
واقـول ياهـل الهـوى عزيـن
مـا قـال محـسـن لعثمـانـه
منقول