منتديات الشويب - قصيده وصف القهوه و الدلال لمحمد القاضى

شاعر نجد الكبير / محمد بن عبد الله القاضي رحمه الله في وصف القهوة والأواني التي تجهز بها وهي أشهر قصيد القهوة في نجد على الإطلاق والتي منها قوله :

يا مـن لقلـب كـل ما التـم الاشفـاق
= من العام الأول به دواكيـك وخفـوق

كنه مـع الـدلال يجلـب بالأسـواق
= وعامين عند معـزل الوسـط ماسـوق

يجاهد جنود فـي سواهيـج الأطـراق
= ويكشف له أسـرار كتمهـا بصنـدوق

لا عن لي تذكـار الأحبـاب واشتـاق
= بالي وطاف بخاطري طـاري الشـوق

دنيـت لي مـن غالـي الـبـن مــا لاق
= بالكف ناقيهـا عـن العـذف منسـوق

احمس ثـلاث يا نديمـي علـى سـاق
= ريحه على جمر الغضا يفضح السـوق

إيـاك والنيـه وبـالـك والإحــراق
= واصحا تصير بحمسة البـن مطفـوق

الى اصفر لونه ثـم بشـت بالأعـراق
= صفرا كما الياقوت يطرب لـه المـوق

وعطـت بريـح فاخر فاضـح فـاق
= ريحـه كماالعنبر بالأنفـاس منـشـوق

دقـه بنجـر يسمعـه كـل مشـتـاق
= راع الهوى يطرب الى طق بخفـوق

ولقـم بدلـة مـولـع كنـهـا ســاق
= مصبوبـة مربوبـة تقـل غـرنـوق

خلة تفـوح وراعـي الكيـف يشتـاق
= والى طفح لـه جوهر صـح لـه ذوق

أصغر قمـوره كالزمـرد بالإشـعـاق
= وكبارها الطافح كمـا صافـي المـوق

وزله على وضحا بها خمسـة أرنـاق
= هيـل ومسمـار بالأسبـاب مسحـوق

مع زعفران والشمطري الـى انسـاق
= والعنبرالغالي علـى الطـاق مطبـوق

فالـى اجتمـع هـذا وهـذا بتيـفـاق
= صبه كيفت العوق عـن كـل مخلـوق

بفنجال صين زاهـي عنـد الأرمـاق
= يغضي بكرسيه كما اغضـاي غرنـوق

والى انطلق مـن ثعبتـه تقـل شبـراق
= أو دم قلـب وانمـزع منـه معـلـوق

شكل على الفنجـال لونـه الـى راق
= رنق تصور للحمامـة علـى الطـوق

خمر الـى منـه تسلسـل بالأريـاق
= وعليه من ماء صافي الـورد مذلـوق

راعيـه كنـه شـارب ريـق تريـاق
= كاس الطرب وسرور من ذاق له ذوق

يحتاج من خمر السكـارى الـى فـاق
= طفـل تمـز شفـاه والعنـق مفهـوق

عبـث يعـيـل بحـبـة ما بعـد مـاق
= وهو يزاهـي باهـي البـدر بشعـوق

بين شفتيـه الـى غنـج حـق بـراق
= عجل رفقيـه بالطهـا يعطـي طبـوق

سحر كتب من حبـر عينـه بـأوراق
= خديـه صاديـن ونونيـن مـن فـوق

كـن العـرق بخدودهـا جمر الأرنـاق
= ينثر على الوجنـات باللـون مشعـوق

الـى تبسـم شـع واشـرق بالاّفـاق
= نور يفـوق البـدر سحـر ومنطـوق

وبالعنق كن المسـك والـورس بـراق
= مع مشخص في صدره الشاخ مدفـوق

يمشي برفق خايف مدمـج السـاق
= يفصم حجول ضامها الثقل مـن فـوق

الى حصل لك ساعـة وأنـت مشتـاق
= اقطف زهر مـا لاق والعمـر ملحـوق

فالى حضر ما قلـت عنـي فـالأرزاق
= بيـد كريـم كافـل كــل مخـلـوق

وصـلاة ربـي عـد ما بـارق حـاق
= على النبي الهاشمـي خيـر مخلـوق