يافار لاتلبـس ثيـاب الفيـل
تجي عليـك كبـار ووسـاع ِ
اذا جرى في الارض نهر النيل
ما انتب لنهر النيـل قطّـاع ِ
ان كان قصدك للبشر تضليـل
ياتيس لاتامن عصا الراعـي
وان كان قصدك للبحر تقليـل
عز الله انْ عقلك ماهو واعي
جازت لك العتمة ياطير الليـل
يامستتـر بلثـام وقـنـاع ِ
وينك ووين النقـد والتحليـل
ياساري ٍ والنـاس هجّـاع ِ
يتعبك يامسكين كثـر الشيـل
ويطيح خشمك باسفل القـاع ِ
واشوف لك زمرة ولك تطبيل
ولك بـدرب الجهـل تبّـاع ِ
ناس تسوقك للعنـا والويـل
من طينتك يامـال الاوجـاع ِ
هـذي رسالتنـا بلاتطويـل
حاولت اخف شوي واراعـي
ومديت لك بالمـد والزنبيـل
وان عدتها باعطيك بالصاع !ِ
شعر على القرنى