المهره اللي زادت الجـرح بعنـاد
نذر علي لتـذوق طعـم العنـادي
مادام راسـي حـي والله مانقـاد
لامشي على دربي وأحقق مـرادي
كم واحدنٍ قبلـك يحـاول ولافـاد
وكم واحدٍ قد ضيع الدرب غـادي
في مواجهه تتعب عصابات وأوغاد
وش عاد تلعات الرقاب الرغـادي
ولي لابةٍ تاريخهـا كلـه أمجـاد
وانا أحمـد المنّـان رب العبـادي
ربعي عتيبه عزوتي عز الأسنـاد
نعم العيال اليا حدا الوقـت حـادي
لا مر طارينا على روس الأشهـاد
يحكي بنا ضرب الفشق والزنـادي
ياما تسيّدنا على شيـوخ وأسيـاد
وياما وطينا فوق خشم المعـادي
اليا أرتفعنا ترتفع معنـا الأعـداد
واليا هدينا قالـوا الجـو هـادي
واليا تكلمنا كمـا صـوت رعّـاد
نقدح سديد القـول علـمٍ وكـادي
يابنت مافي كثرة الحكـي لـو زاد
ولا كل طيرٍ يجذب الصوت شـادي
أما تجين وندمح الجـرح لاعـاد
ونعطّـر الايـام عنبـر وكـادي
ولا علـى ماقـال زيديـه بعنـاد
ونذرٍ عليٍ لا سقيك طعم العنـادي
ماجد بن حباب
ربعى عتيبه
رد: ربعى عتيبه
العرض العادي
