حنا عتيبة كم حريب لطمناه
ودقلاتنا مثل الخيال الرزيني
غربينا في الحجز تلطم قرياه
وشرقينا يم الحسا مردفيني
جنوبنا وادي الدواسر رعيناه
وشمالنا يم المدينة يميني
ترى نجد المسما ملكناه
وخابت حضوض ملوكه الأوليني
والحرب جاء في اربع سنين مسماه
لين أودعوا سبع القبايل طنيني
منها نهار جاء على الضال اقصاه
منها الهضاب العلط عيت تبيني
ويوما على الجال العويند فعلناه
على الدويش مشيب المرضعيني
كم راس شيخ عن متونه نقلناه
واصبح تهرجبه كلاب القطيني
تبرهجي في عشبتة وأشربي ماه
تبرهجي يا مقرعات الحنيني
والله يلو لا اللي وطتنا زكاياه
ما ناخذ القصره من الحاربيني
شيخٍ تجيله سبق الخيل مهداه
ابن رشيد مروع الغافليني
يجر سيراته وذروات تبراه
من كثرهم يا ارحم الراحميني
منقول