قصائد رثاء في فقيدة قبيلة عتيبة الشيخ جدي بن زريبه

بسم الله الرحمن الرحيم




هذه القصيدة للرائد الطيارالشيخ نايف بن سعود الفغم احد شيوخ قبيلة مطير
كابتن الطايرة التي نقل عليها الامير جدي بن مناحي بن زريبة
إلى الولايات المتحدة الامريكية بـ أمرمن خادم الحرمين الشريفين
الملك عبدالله جعله الله ذخراللاسلام والمسلمين
وكان من ضمن المرافقين للامير جدي الاخ مفرح بن سهيل الجذع
احد ابناء القبيله المخلصين والاوفياء فطلب الاخ مفرح من الشيخ نايف الفغم
ان يزيد في سرعة الطايرة فلبا طلبه حتى انه كاد ان يتعدى الحد المسموح
به للطيران وقصد الشيخ نايف قايلاً

لي مطيه دايم ٍ فوق السحاب يارفيقـي دوك مزيـن دلهـا لاستوت جنحانها فوق الضبـاب لوعليها آيام مانـت تملهـا ماتدوج بالبحارولا الشعـاب والجبال الشهب ماتطمن لها لجل شيخ ٍ يحتمي تال الركاب حالف ٍ باالله لتسبـق ظلهـا يوم صولات القبائل والحراب زريب تعرفه القبائـل كلهـا

هذه القصيدة للشاعر الكبير ضيف الله بن سويلم العازمي العتيبي
رثآئيـة في فقيــد قبيلة عتيبة الامير جدي بن منـآحي بن زريّبــة
امير شمـل قبيلتي الجذعـآن والسيآحــين من الروقـة من عتــيبة
اللذي وآفــآه الأجـل المحتــوم في يـوم الأحــد 18 / 3 / 1427 هـ
رحمــه الله رحمــة وآسـعة وآسكــنه فسيــح جنآآتــه

لا خير في كثر البكآء والتصآريـخ الموت حق وتآلـي العمـر زايـل لا والله ألا رآح مـن ربعنـآ شيـخ جديٍ على اسم الجدي نجم الدلايـل مرحوم يا من دوّخ الضـد تدويـخ شيخٍ ما جآتـه شيختـه بالتحآيـل مذخورةٍ له مـن شيـوخٍ مجآويـخ مشى على نهج الشيـوخ الأوآيـل اللي لهم في كل الأوقـآت تآريـخ أهل الشجآعة والكـرم والجمآيـل وقت السيوف وقبل عصر الصوآريخ بسيوفهم فـوق المهـآر الأصآيـل تآريخهم معروف وقـت المنآويـخ يـوم القبآيـل يآخـذون القبآيـل واليوم في ظل الملـوك المطآنيـخ آل السعـود مطوّعـة كـل عآيـل الأمن شآمـل مدنهـآ والتخآتيـخ ولهم على شبه الجزيـرة فضآيـل عسآه في الفردوس يجنى الشمآريخ أثمـآر جنّـآت النعيـم الظـلايـل

وهذه قصيدة الامير الشاعر فيحان بن سلطان بن محماس الشغار
مرثيه في الامير جدي بن مناحي بن زريبة رحمه الله

مرحوم ياللي دفناه امس في العـود عز الله انا فقدنـا شيـخ يالروقـه شيخ علم بالوصايف مالـه احـدود اهل المطامع معديها عـن احقوقـه راعي النقى والتقى والصدق والجود والحكمة اللي من المولى بمنطوقـه وراعي شداد ورث من عشرة اجدو دقول اليا قلته احمي كـل ملحوقـه ولااقول قول بليا اثبـات وشهـود مصادرالفعـل بالوقعـات موثوقـه لوغبت عنا ياجدي الصيت موجـود باسمك صفات الثناء ياجدي مرفوقه فكاك حبل النشـب لوكـان معقـودو فتال حبل الخصيم اليا نوى البوقه وباب الهزيعه عن الزربان مسـدود واكبود الاعداء بنار الغبن محروقـه عزالله انـا بحاجـة ناطـح الكـود اللي اليا كبرت القاله طلـع سوقـه لكن حكم القدر مـا عنـه مـردود راضين باللي من المولى لمخلوقـه مثله تشيب البني ماجـت بمولـود شيخٍ ببحر الفخر سابحـةٍ عروقـه لمناحي اكتب عزاي وبدر وسعـود ونفسي بعد من فراق الشيخ مرهوقه

وهذه قصيدة الشاعرالكبير شقير بن عقيّل الجذع العتيبي
مرثية في الاميرجدي بن مناحي بن زريبة يرحمه الله

مرحـوم ياشيـخ ٍ تقافـت لياليـه على الشرف ومجابهـه للصعايـب شيخ ٍ دعاه الاجل في حكـم واليـه وماقدرالمولى على العبـد صايـب عمرالفتـى ينشـي والاقدارتدعيـه ولياومـره الله جعـلّـه سبـايـب مامـات غدرولاقصربـه معاديـه سنة عزيزالجاه منـش السحايـب قلتـه وكـل ٍ سنـة الله ترضيـه وكـم فرقـت قدامنامـن حبايـب واشيخنااللـي ساهـرات ٍ نواعيـه واعزنااللـي حـط حدرالنصايـب ابومناحـي جـدي ياجاهـل ٍفيـه عليـه قصـن العـذارى الذوايـب قبيلـتـه تنـعـاه والدارتبكـيـه وفقـده علينامـن كبارالمصايـب وراع العزاء وشهـي فوايدتعازيـه فات الاوان ومات شيـخ النوايـب عزاه ليت العمريشـرى ونشريـه ونجعلّـه أعمارالنشامـى جلايـب والاياليت الموت ياخـذ بـدل فيـه لوهومية رجـال عاقـل وشايـب والله لوأن المـال والفعـل يحييـه لنرخص عمارونجعل المال سايـب وباالمـال والاعمـاروالله لنفديـه ونصبرعلى جورالليـال العصايـب واجدينا اللي كنـه الجـدي احليـه نجـم ٍ يـدل متعبيـن النجـايـب ابكيه يابيض الصياناوانـا ابكيـه وابكيـه ياصفرالـدلال الربـايـب يبكي العمود اللي على البل بلاحيه جردالرقـاب اللـي زهتهاالجنايـب وابكه يابيت ٍ كل من جـاه لافيـه يلقى الشحم واطلاق عقد النشايـب حـلال فـتـال ٍبـعـاد ٍهقـاويـه مفراص ماص ٍ يودع الصلب ذايب زبن الدخيل وزبن من يلتجي فيـه لياهاب عـن صعباتهاكـل هايـب ياماعطت يمنـاه مـن خيرمعطيـه ويامافـرج للمحرجيـن الكرايـب له موقف ٍ فالضيق محد ٍ يقف فيه وله هومة ٍ فيها تشوف العجايـب اقسى من الفـولاذ للـي يقاسيـه شكله غريب ولـه فعـول ٍغرايـب غرايبـه صلبـات الاريامبـاديـه من شبته حتى بلغ عمـر شايـب وغرايبـه كسـرة قنامـن يعاديـه وكفوة حياض الخصم وقت الطلايب وغرايبـه راع الحكـي مايدانيـه ولايبني افكاره علـى راي خايـب وجاهل قبيلتناعلى الحـق يهديـه من خوف يطلع فالقبيلـه شوايـب والشرع والحكم السعودي مصافيـه ويحسب لحكام الجزيـرة حسايـب يغلـي الصغيرووالـي الامريغليـه اغلى عليه مـن اقربيـن القرايـب ويشهد على ماقول تاريخ ماضيـه مـن يـوم وحدهاوديـع الركايـب هاذي مواقيفـه وهـاذي معانيـه على الولاء الصادق شريف النسايب واجدرنااللي نلتجـي فـي مذاريـه اظلالناعـن مصلفـات الهبـايـب واضلعنااللي نحتجي في محاجيـه وياسيفناالصاطي عطيب الضرايـب وابحرنااللـي عايمـات ٍ سواعيـه وانجمنااللي عن سمانجـد غايـب يـاالله تغفرلـه ذنوبـه وتعفـيـه وترسل من الجنه عليـه الهبايـب وفالقبرتجعلّـه ونيـس ٍ يسلـيـه برحمتك يامنشي صدوق السحايـب

اشكر لك مجهودك و رحم الله الامير جدى رحمه واسعه واسكنه الله فسيح جناته

يعطيك العافيه

اشكر لك مجهودك و رحم الله الامير جدى رحمه واسعه واسكنه الله فسيح جناته

الله يرحم الأمير/جدي ويطرح البركه بالحاضرين من الباقين

شكر لك مجهودك و رحم الله الامير جدى رحمه واسعه واسكنه الله فسيح جناته