المغفور له باذن الله تعالى الشيخ عبدالعزيز سعود الصباح
ناديـت لكـن سامـع الـصـوت مــا رد =واقـول انـا غلطـان مـن لــه انــادي
ياهل تري هل من سمع صيحتي صد =والا اطــرش بـاذانـهـم وانـســدادي
والا غـفـوا فــي نـومـة مالـهـا حـــد =نـوم الضمايـر مـن اخــس الـرقـادي
انـخــي ولا مـــن ينـتـخـي ويـتـهـدد =هـذي حصيـلـة جهـدتـي واجتـهـادي
مـن لا بنفسـه فـي ذري الحـق يعتـد =هــذاك خـلـه مــا عـلـيـه اعـتـمـادي
مـن لا حـزم امـره وفـي موقفـه جـد =راحـت عليـه وتايـه الــراي غــادي
كـل الفتـي احـسـاس بـالاخـذ والــرد =واللـي بــلا احـسـاس تـايـه بــوادي
مـا تاتـي الدنيـا علـى كـيـف مــا ود =كــل واحٍــد مـنـا يـحــوز الـمــرادي
قــد يعـلـم الحـاضـر ولا يعـلـم الـغــد =لـكـن بـمــا بـالـيـد عـلـمـه وكـــادي
فيهـا امــور تجعـلـك غـصـب تحـتـد =شـــي نـــراه ونـلـمـسـه بــالايــادي
والـشـر مــن طبـعـه اذا حــل يـمـتـد =نــار وهشـيـم وتشتـعـل بـازديــادي
ان مــا تولـوهـا هــل الــراي تشـتـد =مـن فاعليـن الخيـر بيـض السنـادي
حـسـن الطبـايـع مــن اهلـهـا تـقـلـد =كــلٍ عـلـى طبـعـه مـشـي بانقـيـادي
لــو كــل مـــا نـبـغـا ملـكـنـاه بـالـيـد =عــم البـطـر مــا بينـنـا والـفـسـادي
لـكــن ارادة ربـنــا تـفــرض الـحــد =فيهـا صـلاح الكـون ظـاهـر وبــادي
لا تجعـلـوا مــا بينـنـا ســورٍ و ســد =عزل البشر عن بعضهم غير عـادي
قالـوا محـايـد مــا تـواطـا مــع ضــد =ولا دخـل مـا بـيـن منـكـف وعــادي
قلـت الحقيقـه دونهـا البـاب يـوصـد =كـل واحـدٍ ينـحـاز مــا مــن حـيـادي
لابــد مــا بـــوق الاكـاذيــب يـنـسـد =يظهـر لنـا صــوت الحقيـقـه يـنـادي
مـا جــاوز المـالـوف والعـقـل ينـعـد =ضـربٍ مـن الباطـل بـدون استنـادي
واللـي معـاه الـحـق يـوخـذ وينـضـد =يصـيـر فــي حــالٍ تـسـر الـمـعـادي
من يـردع العايـل ومـن يوقـف المـد =مــا عنـدنـا ضــد الغـريـب اتـحـادي
ام الـجـمـال تنـوبـهـا صـفــة الــيــد =مــن واحــد عنـهـا بـعـيـد الـبــلادي
يمـكـن بعضـنـا نـعــذره لـــو تـعـمـد =امــا دخــول الاجنـبـي لــه عــوادي
مــن لا يـبـي ينـصـف بـرايـه تعـنـد =هــذا غـبـن فــي ملـتـي واعتـقـادي
مـا يـدرك المطلـوب كــل واحــد كــد =لـكـنـهـا الارزاق جــمــع ونــفــادي
مـا تاخـذ الطولـة عـن الخـال والجـد =اعـمـل وقــول الله علـيـه اعتـمـادي
مـادايـم الا عـالــم الـغـيـب الاوحـــد =الــواحــد الــديـــان رب الـعــبــادي