سلمى تقـول ان المـودة غرابيـل
وانا على سلمى عليـل الضمايـر
سلمى تقول الحب ويل بثـر ويـل
وانا حشاي بجايـر الحـب فايـر
وسلمى لها باقصى الضماير مداهيل
وعندي لسلمـى بالمـوده سرايـر
اسأل عليهـا كـل مايقبـل الليـل
والصبح اوصي عليها كـل طايـر
الحب في قلبي صبغ صبغة النيـل
بين المحاني صايب الحـب جايـر
وياماتوجـد والضمايـر مغاليـل
وياما على سلمى عطيت البشايـر
طفل سلب عقلي بسـود مضاليـل
منها قلوب اهـل المـوده عثايـر
ورموش سود ماتكحل مـن الميـل
سـواه خـلاق البحـر والجزايـر
دار لسلمـى ماتجيهـا المراسيـل
دار لقلبـي فـي حماهـا ذخايـر
ارسل لها من ناحـلات المراميـل
مايصلنـه نـاقـلات المجـايـر
اطلب لها من رايح المزن بالسيـل
منـه بالزبيـدي نابـت بالمحايـر
سلمى تقول للامير محمد السديرى
العرض الشجري
