هذه قصيده /بدر ناصر بن زريبه في الوضع الحالي :
الديره اللي مسورتن مبانيها......يعجز يعالج حكيم الرأي مرضاها
لو كان أبوها عطاها وعتنا فيها......ألها رجالن على التزييف مبداها
كلمت بعضنا بلا معنا ونوحيها......والحق كلمته ضاعت وين نلقاها
كلن يدق الصدر للناس يفديها......والمشكله أنه ذبحها كيف يرثاها
ناسن لهم رأي مير الوقت معميها.....خوفن على النفس حب الذات غواها
حنا أتفقنا لنا غايات بمشيها.....لدار ميزه ولديره مزاياها
أوراق دستورنا حنا نسويها.......ولا دار حول السنه نكشف خطاياها
أن كان للحق كلمه وانت راعيها.....أثبت على كلمتك والناس تقرأها
ألك اربع أسنين من أولها لتاليها......أما مع القوم ولا مع مطاياها
سوالفن عن مجالسنا أنداريها......وشلون يامجلس الامه تبناها
ناسن تغيب وناسن ترفع ايديها......وناسن تقر القرار وناس تمحاها
مثل الدوالك نمليها ونجفيها ......لروت ضمانا واضن الموت من ماها
بدر ناصر بن زريبه