قصيده في الامير/ ناصر بن مناحي بن زريبه امير الجذعان من قبيلة عتيبه

قصيده في الامير/ ناصر بن مناحي بن زريبه امير الجذعان من قبيلة عتيبه
وهو معروف بفزعته الحاضره من دون تردد مع اي شخص يطلب فزعته في اي وقت بغض النظر عن انتمائه او عمره . وجزاه الله خير على هالفعل الطيب وجعله الله في ميزان حسناته : -



ماهي غــريبه الفـــــزعه لكـــــــــم من قديم وساس
من وقت راعي الحصان يوم جات الفزعه منه
زريب الاول يشهد له راعي القول وكاتب القرطاس
لاعدوا الفريس تذكر فعوله بأكوان حضرهنه
لاثــــــــارعج الرمك وتطاردن سبـــــــــق الافراس
والعذارى اعتزن به يوم طار عنهن سترهنه
وتواجهوا واردين المنايـــــــــــا مرخصين الانفاس
يدفـــع بعمره علــى جمــــــوع اقوام نطحهنه
هذا وانتـــــــــم على سيرته اهل حميه وقويين باس
الطيــب لكم كار ولاتلحقون كاركـــــــــــم منه
ولكـــــــــم لابة وعــــــزوة تقـــــل عصابــــــــة راس
جذعان محازم في ضــيقات الليالي وعسرهنه
الله يرحــــــــم شيبان ورثوا لنــــــا معزه ونـــــوماس
ويــــجعل جـــــــــــــــمعنا بهم في عالي الجنه
هــــــــــــــــذا والمسامحـــه لاجا القول قاصر بقياس
فـــي حق من ذكرت فأول الابــــيات وتـاليهنه
وصلـــــــــــوا على محمـــــد عـــــــــدد رمل الاطعـاس
نبي نشــــــر دين الاســــــــلام واسس السنه


سعــــــــــــود العتيبي

[راعي العليا]

اخى العزيز بارك الله فيك و صح لسانك على القصيده و الامير ناص بن مناحى امد الله فى عمره
ما هى غريبه عليه افعاله الجليله التى كلها فخر
وصح لسان قائل القصيده و بيض الله وجهه
مع الشكر الجزيل

صح لسانك

وبوبدر يستاهل اكثر وما توفيه القصايد

الله يطول عمر الامير

شكرا لك وصح لسانك والله يعطيك العافيه

مشكورين على الردود على القصيده التي سوف اقوم بنشرها في الصحافه الكويتيه ومنتديات اخرى وازودكم بالروابط في وقتها وبالنسبه للامير/ ناصر بن مناحي وجماعته الجذعان ماقلته قليل جدا في حقهم ولا يهون الاخرين من امراء القبيله ومن القبائل الاخرى وكل صاحب فعل طيب

اطال الله عمر الامير ناصر بن مناحي بن زريبه.والامير لايفرق بين ربعه ابدا كلهم عنده سوا.........أميرنا حنا يمينه وناسه..وليا طلبنا نصير له جيش ممتد.....هذي القصيده في الامير ناصر بن زريبه من الشاعر هلال نايف الجذع سوف اقوم بنشرها لكم

بيض الله وجهك على القصيده و الامير ناصر فعايله كثيره لا يعلم بها الا الله و ما هى غريبه على بو بدر
امد الله فى عمره و شكرا لك مره اخرى اخى العزيز
و نبى المزيد

اخي سبع الفلا
اشكرك على الثناء على القصيده وتوضيحا لتبيان ماورد في الابيات فأنا لم انتاسى كذلك حق جماعة الامير لانه لا امير بلا جماعه وكذلك فضل الاولين من الجماعه لانه نحن امتداد لهم ولا تزال تمر في خيالنا صور عشناها ايام حارة الجذعان وكانت في المنطقه الشماليه لمدرسة المعري وكانت الحاره حافله في جلسات ليليه يتسامر فيها الشياب الله يرحمهم ويسكنهم الجنه وكانت الجلسه الرسميه لاستقبال الضيوف تقريبا في ديوانيه مزيد هلال وكان تواجد جميع الاجيال عند حضور العزيمه في كل بيت تقام فيه ضيافه لاي ضيف يصل من نجد او غيرها وكانوا الشياب احرص مايكونون في السؤال عن اي شخص يفتقدونه في المسجد او في الجلسات ولي في هذه الصور الجميله قصيدة وسوف ارسلها قريبا ولكن وبصراحه الجيل الحالي لايمكن لاي احد ان يبخس حقه ففيهم باذن الله بركه وفيهم نخوه وفيهم خير كثير والله لايفرق الجماعه ويجمعهم على طاعته ومحبته وبيض الله وجه ابو زريب والشكر موصول لادارة المنتدى والاخوه الاعضاء

صح السانك ويستاهل بن زريبه
مع تحيات: غــروكـ عــذالي