ليا جاب هاجوس العشا لي مية مشروع وقامـت كثيـرات الروابـع تمازعنـي
يجيني على الامثال مثل الظما والجـوع ولاهيـب هـزلات التماثيـل تشبعنـي
الى وجهت موجات فكري على موضوع هجوسي على جزل التماثيـل تدفعنـي
صعيب المعاني لاعسفته يجي لي طوع ومن وين ما وجهت وجهـه يطاوعنـي
وانا لي فواد لاشعـر بالخطـا مقلـوع ليا جت محسة من هل العرف توجعنـي
وانا اشره على اللي بيرقه بالوفا مرفوع ومعه كـل ميـزات الوفييـن تجمعنـي
رفيقه واعده عندي اصفى من الينبـوع وهوخابر حرصي على رضاه وش يعني
ليا صار يم اهل النمايم رهيف سمـوع ليا ضيعـوه اهـل الحكـي لايضيعنـي
اعزه وقدره في صميم الحشـا مطبـوع ومن ابسط حقوقي قبل يزعل يراجعنـي
ولا نيب احسب زلة من قصيـر البـوع ولو هي مثل ضلعان اجا ما تزعزعنـي
عسى الخط مابيني وبين النذل مقطـوع اسوق البشايـر يـوم مثلـه يقاطعنـي
خبيث الدغايـل رفقتـه مابهـا منفـوع ولابيـه بطبـوع النـذالـة يطبعـنـي
ورفيق يجي لي كل ساعة بشكل ونـوع عن مرافقه رفقه هـل الخيـر تاسعنـي
الشاعر عبد الرحمن العريفى
ليا جاب هاجوس العشا لى ميه مشروع
رد: ليا جاب هاجوس العشا لى ميه مشروع
العرض العادي
