يا أهل الفروت اللي محاميل ووقوف
اليـا عزمتـوا للسفـر علمـونـي
تجملوا فيّـه تـرى فـي معـروف
اما أوصلوا المكتـوب والا أوصلونـي
ما احتاج لا كلفه ولا احتاج مصروف
ايضـا واقـدم كـل مـا تطلبونـي
واليا وصلتوا كشب ما احدٍ بمكلـوف
ارموا فراشـي فالخـلا واتركونـي
وانا اعرف الديره ولي عين واشوف
وحول العبيل القى مسـرة عيونـي
ربعي فخر رأسي ذرايه من الخـوف
ياليتهم فـي كـل ساعـه يجونـي
ويلاه من قلبٍ بـه الهـــــــــــــم مـردوف
هـم قديـم وهـم دوبـه يكـونـي
جسمي مابين الحضر والبدو منصوف
ذولا خـذوا قلبـي وذولا خـذونـي
غديت مثل اللي من الجـو محـذوف
تحيلـوا بـي محكميـن المنـونـي
رشيد ابن منّاع العازمي العتيبي
يا أهل الفروت اللي محاميل ووقوف .............رشيد ابن منّاع العازمي العتيبي
العرض المتطور
