حنا عتيبـه الهيـلا برقـا مـع روق

ماعلمـوَك أنـك صغيـرّ ومطفـوق
للبـنـت دار وللرياجـيـل ملـقـا
حنا عتيبه الهيـلا برقـا مـع روق
واللـي يرحـب بالسلاطيـن يبـقـا
ماذلنا مـن خلقـة الأرض مخلـوق
أهل المكـارم ربعـي روقٍ و برقـا
ننده بسامينا وتابـس بهـا احلـوق
وكل الأيادي بقضـب أيادينـا عرقـا
كم شاربٍ من فعلنـا صـار محلـوق
جعل الوجيه اللي بها اشنـاب تسقـا
الغيمه اللي وسطهـا ربعـي بـروق
الي تحتهـا بوبـل الأمجـاد غرقـا
نجد العذيه فوقهـا شمسنـا شـروق
وصارت سماهـا بالسلاطيـن زرقـا
ربعي عتيبه وبارد الوجـه مصفـوق
والسبت من حطه تـرا الأحـد يلقـا
وين أنت يابو صوت مبحوح ومخنوق
ياللي علـى كثـر السوالـف تسلقـا
يوم البضاعه غاليه داخـل السـوق
حنا شرينـا اللـي اخذتـوه سرقـا
رمح القهر في صدر الأيـام مدقـوق
في غرب راسه وآخر الرمح شرقـا
أيه أفتخـر وكـل مطـرود ملحـوق
بالفعل ماهـو بـزود حكـيً وقرقـا
حنا بشر بس الولـي حطنـا فـوق
الله خلقنـا فـوق وش عـاد نرقـا
الله خلقنـا فتنـه لـكـل غـرنـوق
ومـن العـذارى ميتـه كـم طرقـا
منطوقنـا جـزل ومـع جزلنـا ذوق
يطرب لنا فوق الغصن طيـر ورقـا
قبيلتي مالي مـع النـاس معشـوق
وأنتـي غرامـي دون لقيـا وفرقـا
بين الضلوع العوج موطنـك معلـوق
ياأطهر من الطاهـر وأصفـا وأنقـا
لو غنوا الشعـار مليـون طـاروق
محدً يجيب اللي أجيبـه علـى القـا
الشعر جسم وحنا في قلبـه عـروق
كل حرف روقي وكل طـاروق برقـا




قصيده للشاعر جابر هايف العتيبي

واتمنى ان تنال اعجابكم.....


منقول

[راعي العليا]

السلام عليكم اخى الكريم وبيض الله وجهك وصح لسان الشاعر جابرالعتيبي وارجوا ان تتحفنى
بالمزيد من هذه القصائد

يعطيك العافيه على هذه القصيده الجميله

والى المزيد انسالله

السلام عليكم اخى الكريم وبيض الله وجهك وصح لسان الشاعر جابرالعتيبي وارجوا ان تتحفنى
بالمزيد من هذه القصائد