نويـت اعلـم جاهلـن ماعرفنـا
حنا ترى الجذعان من راس رجال
كم واحدن يجفل الى اونس صلفنـا
ونطرح زعيم القوم لو كان خيـال
وكم واحدن يدله الى جـا طرفنـا
ننقل حموله لو عسيـرات و ثقـال
عمودنا الزربـان غايـت هدفنـا
هم عزنا لى مال جالن على جـال
هم راينا عن رايهـم مـا نحرفنـا
ولا خير في رجلن يجي رايه الحال
هم رينا لـى بـان فينـا عطشنـا
نشرب غزير الجم ما نشرب احثال
ناصر على درب المراجل عسفنـا
ولد مناحي مانبـي فيـه الابـدال
الى عمست الاريا لناصـر نكفنـا
نجي حدر كمه عن البرد وظـلال
سـود الليالـي بالقديـم ابلغتـنـا
ضياغمن ماضلهـا مجـد وفعـال
ناطـى القبايـل لينهـا وا لفتـنـا
في ظل سيف معربت منسب الخال
قال ابن هاجد عقب بالعيـن شفنـا
مدهالنا واحـد ولا غيـر مدهـال
عدواننـا يابـو بــدر رافقتـنـا
ناسن تجيب الهرج من دون مرسال
ناسن تجيب الهرج ليـن ازعلتنـا
والله يلعن راعـي القيـل والقـال
اهـل النميمـه بالكـلام ابتلتـنـا
لو نازنه ماله ثقـل ربـع مثقـال
يامحمـد الغـزاي حنـا وقفـنـا
مواقفن يطرب لهـا كـل رجـال
حنا على اللازم تـرى مانحرفنـا
يشهد لنا التاريخ من ماض الاجيال
صافـن صفانـا مايبيـن عدفنـا
ورجالنا يسـوى ثمانيـن رجـال
وحنـا بحـق الطيبيـن اعترفنـا
نبذله المجهود فـي كـل الاحـوال
الى قضينـا اللازمـه ونصرفنـا
معـاد همتنـا مجمعـت الاقـوال
نويـت اعلـم جاهلـن ماعرفنـا
حنا ترى الجذعان من راس رجال
العضو المميز
قصيده للشاعر عوض بن هاجد الجذع
رد: قصيده للشاعر عوض بن هاجد الجذع
العرض العادي
